हालै लण्डनमा आयोजित एक आध्यात्मिक प्रवचन कार्यक्रमको प्रमुख वक्ताका रूपमा राधिका दासीजीले प्रेरणादायी प्रवचन दिनुभयो। कार्यक्रममा उहाँले जीवनका मुल्य, संस्कार, सेवा र भक्तिको महत्वमाथि गहिरो प्रकाश पार्नुभयो।
सामाजिक, धार्मिक तथा अध्यात्मप्रति समर्पित राधिका दासीजीले प्रवचनमार्फत उपस्थित श्रोतालाई आत्मचिन्तन र आत्मविकासतर्फ अभिमुख गराउनुभएको थियो। कार्यक्रममा स्थानीय नेपाली समुदायको उल्लेखनीय उपस्थिति रहेको थियो।
अमेरिका — अमेरिका भरिका विभिन्न शहरहरूमा सफलतापूर्वक सत्सङ्ग तथा जीवन प्रेरणा प्रवचन सम्पन्न गरी राधिका दासी माताजी आजै लण्डन प्रस्थान गर्नु भएको छ। अमेरिका स्थित Om Center, California, Muktinath Dham, हिन्दु बुद्ध मन्दिर (Baltimore), Motherland Nepal Maryland, San Francisco, Virginia लगायतका थुप्रै स्थानमा आयोजित कार्यक्रमहरूले नेपाली समुदायमा आध्यात्मिक चेतना र सामाजिक एकताको भावना थप मजबुत बनाएको थियो।
अब माताजी लण्डनमा पनि विभिन्न स्थानहरूमा सत्सङ्ग तथा मोटिभेसनल स्पिच प्रस्तुत गर्ने कार्यक्रम रहेको छ। त्यहाँ रहनु भएका नेपाली तथा अन्तर्राष्ट्रिय भक्तजनहरूसँग आध्यात्मिक संवाद गर्दै, संस्कार, सेवा, र सद्गुणको महत्व बारे ज्ञानवर्धक प्रवचन गरिनेछ।
उहाँको नेपाल आगमन यही साउनको अन्तिम सातामा तय गरिएको छ। नेपाल फर्किएपछि माताजीद्वारा विशेष धार्मिक तथा सेवा मूलक कार्यक्रमहरू सञ्चालन गरिने अपेक्षा गरिएको छ।
यस सम्पूर्ण यात्राको उद्देश्य धर्मको प्रचार–प्रसार, वैदिक जीवनशैलीको मार्गदर्शन, तथा मातृभूमिको सेवा भन्ने भावनामा आधारित रहेको छ।
अमेरिका — विश्वभर फैलिएको नेपाली समुदायलाई आध्यात्मिक मार्गमा प्रेरणा प्रदान गर्ने उद्देश्यले राधिका दासी माताजीद्वारा अमेरिकाका विभिन्न स्थानहरूमा आयोजित भव्य सत्सङ्ग तथा प्रेरणादायी प्रवचन कार्यक्रमहरू अत्यन्तै सफलतापूर्वक सम्पन्न भएका छन्।
यस आध्यात्मिक यात्राको क्रममा माताजीले अमेरिका भित्रका प्रतिष्ठित धार्मिक केन्द्रहरूजस्तै:
Om Center, Ohio
California स्थित Muktinath Dham
Motherland Nepal, हिन्दु-बौद्ध मन्दिर, बाल्टिमोर (Maryland)
San Francisco
Virginia
लगायतका विभिन्न स्थलहरूमा भक्तिभावपूर्ण सत्सङ्ग, श्रीमद्भागवत कथा, र मोटिभेसनल स्पिच प्रस्तुत गर्नुभयो।
माताजीको प्रवचनमा "संस्कारयुक्त जीवन, सत्कर्म र परोपकार नै सच्चा मानवता हो" भन्ने मूल सन्देश केन्द्रित रह्यो। उहाँको मर्मस्पर्शी वाणी, आध्यात्मिक अनुभूति र सरल जीवनका शिक्षाले अमेरिका बसोबास गरिरहनु भएका हजारौं नेपालीहरूलाई आध्यात्मिक मार्गतर्फ आकर्षित गराएको छ।
कार्यक्रमहरूमा स्थानीय धार्मिक अगुवा, समाजसेवी, नेपाली समुदायका प्रतिनिधिहरूको समेत गरिमामय उपस्थिति रहेको थियो। सत्सङ्गपछि सम्पन्न भएको आरती, कीर्तन र प्रसादसेवा कार्यक्रमले समग्र वातावरणलाई दिव्य अनुभूतिपूर्ण बनाएको थियो।
यस कार्यक्रममार्फत माताजीले धर्म, सेवा र मातृभूमिप्रति प्रेम जागृत गराउने कार्यमा महत्वपूर्ण योगदान दिनुभएको छ। आगामी दिनहरूमा पनि यस्ता आध्यात्मिक कार्यक्रमलाई निरन्तरता दिइने आयोजक समितिहरूले बताएका छन्।
